台慶劇《香港人在北京》，逢周一至五晚9點半翡翠台播映。上周神還原電影《食神》火雞姐的傅嘉莉（Kelly）昨晚（26日）一集再獻新猷，孖洪永城（Tony）上演爆笑「見血」床戲，搶盡焦點。

昨晚一集，Funny（Kelly飾）接受好友淼淼（陳星妤飾）大改造，由平時的男仔頭搖身一變成索爆女神。 Funny在夜店艷光四射吸引不少男士目光，喝醉的阿喱（Tony飾）竟不認得Funny兼上前搭訕，兩人攬著跳舞之余，阿喱還錫了Funny一啖。之后Funny扶著醉倒的阿喱回酒店，兩人意亂情迷下差點發生關系，一直暗戀阿喱的Funny在臨「埋牙」之際流鼻血，搞到阿喱成面都系血。酒醒后的阿喱發現自己臉上全是血加上床單布滿血漬，誤會自己奪去Funny初夜，令他非常懊惱。後來阿喱知道只是一場誤會，狠心向Funny表明永遠是好兄弟，傷心欲絕的Funny決定斬斷情根，與阿喱當著眾人面立下「投名狀」結拜成兄弟，再默默哭著離去，畫風一轉搞笑變凄酸。

講到相關床戲玩到見血，Kelly受訪時笑言：「我同Tony睇到劇本時都忍唔住爆笑，拍攝時我望到Tony成面都系血，我系要將個人『退』后啲，因為當時拍緊Tony大頭，我驚我系咁笑會震到Tony！」Kelly補充指床戲雖然望落爆笑，但拍攝時有一定難度，Kelly說： 「首先啲血慨濃稠度要好準確，唔可以太稀或者太『杰』，拍攝前都試咗兩次先調較到。同埋要令到啲血喺鼻哥流出嚟系好考功夫，我要靠呼吸控制個力度，冇諗過我慨鼻都要做戲，真系呼吸都要有戲！」談到「投名狀」場口令人心噏，Kelly坦言：「呢場戲對于Funny嚟講系一個轉捩點，除咗將自己心聲講畀阿喱聽之外，亦都代表Funny放下咗呢段感情，希望觀眾睇時都有心噏慨感覺。

」